නිදි කිඹුලන් පිබිදේදෝ බියෙන් මෙන්, ඇදෙයි ලී පුටුවක් සිහින් සීරු හඬකින් දඩස් ගා වැටුණු පොත මුව වසයි රහසින් උගුර කාරන හඬක්, හචිමක්, රහස් තෙපුලක් ඈනුමක්, කැස්සක්, ඇස් කොන් ඉඟි බිඟි 'පුස්තකාලාධිපති' පුවරුව රැඳි මේසයේ, උපැස එසවෙයි, බැල්මකි තද බව යේ නිහඬයි. නිසලයි. රාක්කයෙන් රාක්කයට තට්ටුවෙන් තට්ටුවට ඇවිදගිය ඇඟිලි තුඩු එක්වරම නැවතිණි පොත් අතර සැඟවුණු පොතක් වෙත සිත බැඳිණි '1984' - ජෝර්ජ් ඕවෙල් පුටුවක් පෙරළුවෙමි, ලෝකයක් පිබිදුණි සාලිස් වසකට පෙර සිතූවක් සාලිස් වසකට පසු අකුරු අතරින් රහසක් ගලා ඒ නිහඬ ලෝකයේ හිත ගිලී යයි
- Get link
- X
- Other Apps